Fréttir og fróðleikur

Hæfnisetur ferðaþjónustunnar, SAF og Markaðsstofur landshlutanna bjóða til Menntamorguns ferðaþjónustunnar þriðjudaginn 18.febrúar frá 11:00-12:00. Fundurinn verður í beinu streymi á Facebook.

Fyrsta fréttabréf ársins er komið út.

Markaðsstofur landshlutanna héldu nýverið kynningu á helstu verkefnum svæðanna fyrir PR stofur og Íslandsstofu. Tilgangur kynningarinnar var að vekja athygli sérstöðum hvers svæðis og hvernig best megi koma þeim á framfæri á alþjóðlegum mörkuðum.PR stofurnar gegna mikilvægu hlutverki í því að auka sýnileika Íslands á erlendum mörkuðum og tryggja að Ísland sé kynnt á sem áhrifaríkastan hátt. Íslandsstofa hefur gert samninga við PR stofur sem starfa á nokkrum af helstu mörkuðum, í Bandaríkjunum, Bretlandi, Þýskalandi og Frakklandi. Kristján Guðmundsson var fulltrúi Vesturlands á kynningunni og lagði hann sérstaka áherslu á ferðaleiðir á Vesturlandi. Þessar ferðaleiðir vöktu áhuga og leiddu af sér líflegar umræður um markaðssetningu svæðisins. Að kynningu lokinni voru haldnir fundir með fulltrúum PR stofanna og hvers landshluta þar sem rætt var um hvernig hægt væri að koma sérstöðum hvers svæðis enn betur á framfæri. Margar góðar hugmyndir sköpuðust í þessum samtölum og spennandi verður að þróa þessar hugmyndir áfram.

Áhersluverkefnið um móttöku skemmtiferðaskipa og skipafarþega á Snæfellsnesi er nú formlega lokið og lokaskýrsla komin út.

Markaðsstofur landshlutanna stóðu fyrir fundi þar sem fulltrúar stoðkerfis ferðaþjónustu á Vesturlandi fengu kynningu á þeim verkefnum sem unnið er að í hverjum landshluta. Kristján Guðmundsson var fulltrúi Vesturlands á fundinum og kynnti helstu verkefni sem unnið er að í landshlutanum. Á fundinum voru fulltrúar frá Íslandsstofu, Ferðamálastofu, starfsmenn ráðuneytisins, Samtaka ferðaþjónustu og Íslenska ferðaklasans.

Mid-Atlantic ferðasýningin, sem haldin er annað hvert ár af Icelandair, fór fram í Reykjavík dagana 30 janúar til 2 febrúar og laðaði að sér fjölda ferðasöluaðila víðsvegar að úr heiminum. Sýningin er mikilvægur vettvangur fyrir íslenska ferðaþjónustu til að mynda og styrkja sambönd við samstarfsaðila víða út heiminum.

Haukey slf. tekur tímabundið við samfélagsmiðlum Visit West Iceland.

Mannamót Markaðsstofa landshlutanna fóru fram í Kórnum í Kópavogi þann 16. janúar síðastliðinn. Mannamót eru hluti af Ferðaþjónustuvikunni sem var haldin dagana 14.-16. janúar víðsvegar um Höfuðborgarsvæðið.

Málþing í húsi Íslenskunnar - Eddu, í boði Samtaka um söguferðaþjónustu (SSF).

13. desember var haldinn á árlegur fundur Markaðsstofa landshlutanna og Ferðamálastofu. Kristján Guðmundsson var fulltrúi Markaðsstofu Vesturlands á fundinum. Markmið fundarins var að fara yfir samstarf og samstarfsfleti þessara stofnana og ræða endurnýjun samninga. Samningarnir og samstarfið byggja á þeirri forsendu að markaðsstofurnar séu lykileiningar í stoðkerfi ferðamála hvers landshluta. Þær eiga að styðja við ríki, sveitarfélög, fyrirtæki og einstaklinga innan svæðanna í þróun og uppbyggingu ferðaþjónustu.

Nú fer hver að verða síðastur að skrá sig á Mannamót Markaðsstofa landshlutanna en lokað verður fyrir skráningu 19. desember.

Skráning er hafin í Ratsjána sem fer aftur af stað í janúar 2025.