Í dag var hulunni svipt af nýju nafni og merki ferðamannaleiðarinnar sem hefur gengið undir vinnuheitinu Hringvegur 2. Nafnið sem varð fyrir valinu var Vestfjarðaleiðin eða á ensku The Westfjords Way.

Verkefnið „Guðlaug – heit laug í grjótvörn við Langasand á Akranesi“ hlýtur Umhverfisverðlaun Ferðamálstofu árið 2019. Verðlaunin voru afhent í dag þann 18. desember í blíðskaparveðri við Guðlaugu á Akranesi. Var það Skarphéðinn Berg Steinarsson ferðamálastjóri Ferðamálastofu sem afhenti verðlaunin og við þeim tók Sævar Freyr Þráinsson bæjarstjóri.

Margt um manninn á Matarhátíð á Hvanneyri

Hafin er vinna við aðgerðabundna stefnumótun fyrir ferðaþjónstu á Íslandi til ársins 2025. Boðað er til opinnar vinnustofu í tengslum við stefnumótunina í öllum landshlutum. Fyrir Vesturland verður vinnustofan haldin á B59 Hótel í Borgarnesi þann 28. nóvember næstkomandi.

Markaðsstofur landshlutanna setja upp vinnufundinn Mannamót fyrir samstarfsfyrirtæki sín fimmtudaginn 16. janúar 2020 kl. 12:00 – 17:00 í Kórnum í Kópavogi.

Ferðakaupstefnan Vestnorden var haldin í Þórshöfn í Færeyjum dagana 23.-26. september. Tæplega 400 þátttakendur tóku þátt í kaupstefnunni í ár en fyrir hönd Vesturlands fóru fjögur fyrirtæki; Markaðsstofa Vesturlands, Into the Glacier, Sæferðir og Hótel Borgarnes.

Takið daginn frá!

Haustráðstefna Markaðsstofa landshlutanna var haldin á Icelandair Hótel Reykjavík Natura þann 12. september. Ráðstefnan bar yfirskriftina Ferðamaður framtíðarinnar og Paul Davies, forstöðumaður ferðamálarannsókna hjá markaðsráðgjafafyrirtækinu Mintel var gestur ráðstefnunnar.