Vesturland myndrænasti áfangastaður Evrópu 2017 samkvæmt Luxury travel Guide
Luxury Travel Guide valdi Vesturland ,,Scenic destination of Europe”. Luxury Travel Guide sérhæfir sig í skrifum um áfangastaði, hótel, heilsulindir, tækni og fleira. Blaðið leggur áherslu á betur borgandi ferðamenn. Vesturland er valið vegna fallegrar náttúru svæðisins auk þess sem gott er að gera út frá Vesturlandi þegar kemur að því að kanna náttúru.
Fjölbreytt náttúra og Menning
Vesturland er spennandi kostur fyrir ferðamenn sem koma til Íslands. Mikill fjölbreytileiki er í náttúru og landslagi og er mikil saga á svæðinu. Vesturland hefur mikla sérstöðu þegar kemur að vetrarferðamennsku og nýtur Vesturland góðs af því að vera aðgengilegt allt árið. Nálægð við höfuðborgina og snjóléttir vetur gera Vesturland spennandi kost fyrir ferðamenn.
Margar náttúruperlur eru á Vesturlandi sem vinsælt er að heimsækja. Á undanförnum árum hefur nýsköpun verið mikil í ferðaþjónustu á Vesturlandi auk uppbyggingar á gistingu hefur tryggt ferðamönnum góða upplifun.
