Tríó Sól & Atli Arnarsson í kirkjunni á Borg á Mýrum

Tríó Sól og Atli Arnarsson bjóða til tónleika í fallegu Kirkjunni á Borg á Mýrum, Borgarnesi, föstudaginn 12. júlí 2024 kl. 17:00. Á dagskrá verður klassísk og þjóðlagaskotin tónlist í flutningi tríósins ásamt tónlist af væntanlegri plötu Atla; Stígandi.

Tónleikarnir eru hluti af tónleikaferðinni Öldur og er aðgangur ókeypis. https://www.facebook.com/events/1129129358189308/

~~

Atli Arnarsson er tónlistarmaður frá Reykjavík, búsettur í Kaupmannahöfn. Hann vinnur nú að sinni fyrstu sólóplötu, Stígandi, sem er innblásin af sjóslysi sem varð árið 1967. Afi hans Atla var að vinna á síldarskipinu Stíganda ÓF 25 þegar það sökk langt norður í hafi og áhöfnin endaði á að þurfa að bíða í björgunarbátum í fimm sólarhringa, þar til þeir fundust og björguðust allir. Auk þess að gera tónlist, stundar Atli einnig nám í hljóðhönnun í Den Danske Filmskole.

~~

Tríó Sól er strengjatríó sem samanstendur af fiðluleikurunum Emmu Garðarsdóttur og Sólrúnu Ylfu Ingimarsdóttur og víóluleikaranum Þórhildi Magnúsdóttur. Þær hafa komið fram á fjölda tónleika á Íslandi og erlendis en flytja oft óþekkt verk og nýsmíðar auk spuna og skapa þannig einstaka og skemmtilega tónleikaupplifun. Þær hafa allar stundað nám við Det Kongelige Danske Musikkonservatorium í Kaupmannahöfn, en þær kynntust ungar í Suzuki-tónlistarnámi í Tónskóla Sigursveins D. Kristinssonar.

~~

Atli Arnarsson á:
Spotify: https://sptfy.com/atliarnarsson
Instagram: www.instagram.com/atliarnars
Youtube: https://www.youtube.com/@atliarnarsson

Tríó Sól á:
Facebook: www.facebook.com/triosol.musik
Instagram: www.instagram.com/trio.sol
Soundcloud: www.soundcloud.com/trio-sol-964128600

~ Tónleikaferðin er styrkt af Rannís ~